Бразилын "Коринтианс”-ын дасгалжуулагч Тите довтлогч Адрианог "Аваи”-гийн эсрэг тоглолтод гаргасангүй. Тэрээр цагтаа Европыг байлдан дагуулж байсан хөлбөмбөгчийг илүүдэл жинтэйгээ тэмцэхийг эхлээд даалгасан байна.

"Адриано жингээ хасах хэрэгтэй. Тэр талбайд чөлөөтэй хөдөлж, хөнгөхөн гүйж чадахгүй байхад үндсэн бүрэлдэхүүнд гаргана гэдэг байж болохгүй зүйл” гэж Тите хэлсэн байна.

"Коринтианс”-ын хөгжөөн дэмчигчид нь Адрианод тун дургүй байгаа гэнэ. Илүүдэл жинтэйгээ огт тэмцэхгүй байгаа нь багийг нь огт хүндлэхгүй байгаагийн илрэл гэж тэд үзэх болжээ.

Цагтаа Италийн "Рома”-г дасгалжуулж явсан Зденек Земан үүн дээр мөн үг нэмжээ. "Тэр цагтаа үнэхээр хүчирхэг довтлогч байлаа. Хэдэн жилийн өмнө бол дэлхийн хамгийн шилдгүүдийн нэгд ч орж явсан. Харин одоо бол хэн түүнийг агуу хөлбөмбөгч гэж хэлэх вэ? Зүгээр л нэг бүдүүн эр болжээ. Миний энэ үгийг дор "Коринтианс”-ын олон хөгжөөн дэмжигч гарын үсгээ зурж, баталгаажуулах байх шүү” гэж Земан ярьсан байна.