УГЖ .Ариунаа "Домгийн өглөө” хэмээх богино хэмжээний мюзикл кино клипний ерөнхий продюссерээр нь ажиллаж, "Өргөө” кинотеатрт нээлтээ хийсэн. Түүхэн сэдвээр бүтээсэн энэхүү дэлгэцийн бүтээл чамгүй өндөр үнээр бүтсэн сурагтай. Дуучин Ариунаа шинэ кино клипныхээ үнийн дүнг нууцалж байгаа ч 100 сая орчим төгрөгөөр бүтсэн мэдээ чих дэлсч байна. Дуучин эхнэрээ бүхий л талаар дэмжиж байдаг "Ноёд” группын захирал Буяндорж "Домгийн өглөө” мюзикл клипийг спонсорлож,хайртай эхнэрээ Саянгоо хатны дүрд мөнхөлсөн аж. УГЖ Ариунаагийн "Домгийн өглөө” кино дэлгэцийн бүтээлийг "Боловсрол суваг” телевиз албан ёсны эрхтэйгээр худалдан авсан аж.