Main » 2012 » хоёрдугаар сар » 4 » Буудуулсан эрэгтэй нас баржээ
9:22 PM
Буудуулсан эрэгтэй нас баржээ

Буудуулсан эрэгтэй нас баржээ

Налайх дүүргийн  "Хаан” банкны тооцооны төвд өчигдөр 11.50  цагийн орчим буун дуун гарч, хоёр хүнийг буудсан хэрэг гарсан билээ.

Буудуулсан хоёр хүний нэг нь хэвлийн тус газраа шархадсан тул биеийн байдал хүнд, их хэмжээний цус алдаж, улмаар яаралтай мэс засалд орсон юм. Буудуулсан эрэгтэйд яаралтай мэс засал хийхээр Цэргийн нэгдсэн эмнэлгийн мэс заслын нарийн мэргэжлийн эмч нар нийслэлээс очсон бөгөөд мэс заслын явцад хохирогчийн биеийн байдлын талаар Налайх дүүргийн эрүүл мэндийн нэгдлийн дарга Б.Өлзийсайхан "Сум хэвлийг нэвт гарсан учир бие нь их хүнд байна. Өрөөсөн бөөрийг нь авсан. Бусад эд эрхтэндээ нөлөөлж байгаа учир хүндрэлтэй байгаа. Бид бололцоотой бүх арга хэмжээг авч байна. Нарийн мэргэжлийн таван эмч ажиллаж байна” гэх мэдээллийг хэвлэлийнхэнд өгч байсан юм. Багагүй хугацаанд үргэлжилсэн мэс засал өчигдөр 17.50 цагт дууссан байна. Харамсалтай нь мэс заслаас хойш ердөө 30 минутын дараа буудуулсан эрэгтэйн зүрх зогсч, амьсгал хураажээ.

Гэгээн цагаан өдрөөр буу барин, бусдын амь насанд халдахыг оролдсон этгээдийг н.Бат-Ялалт гэдэг бөгөөд 26 настай энэ залуу нийслэлийн Сонгинохайрхан дүүргийн харьяалалтай иргэн аж. Бусдыг галт зэвсэг хэрэглэн, бэртээж гэмтээсэн н.Бат-Ялалтыг хэргийн газраас зугтааж, Баянзүрх дүүргийн 11 хорооны нутаг дэвсгэрт жалганд нуугдсан  байхад нь баривчилсан байна. Гэмт этгээд Мөрдөн байцаалтын явцад өгсөн анхны мэдүүлэгтээ "Хэргийг үйлдэхээр урьдаас төлөвлөж, Налайх дүүрэг рүү такси хөлсөлж явсан. Өмнөх өдөр буюу өчигдөр буугаа бэлдсэн” хэмээн хэргээ хүлээжээ.

Хохирогчдын ар гэрийнхний өгсөн мэдээллээр бол буутай этгээд "Сурвалжлагч байна” хэмээн тус салбарын захирлын өрөө байрладаг хоёрдугаар давхарт нэвтэрсэн байна. Өчигдөр үдээс хойш хэргийн газарт шинжилгээ хийсний дараа дүүргийн цагдаагийн хэлтсийн дарга Д.Энхбаяр сэтгүүлчдэд мэдээлэл хийсэн бөгөөд "Галт зэвсэг хэрэглэж, хүн буудсан этгээдийг шуурхай баривчилж, харьяаллын дагуу Улсын мөрдөн байцаах газарт шилжүүлсэн” гэдгийг албан ёсоор мэдэгдсэн байгаа. Гэмт этгээд хэргийн газраас зугтаахдаа такси барьцаалж, жолоочид нь буу тулган сүрдүүлсэн байна.

Category: Мэдээ мэдээлэл | Views: 463 | Added by: beatbox_battle | Tags: Буудуулсан эрэгтэй нас баржээ | Rating: 0.0/0
Total comments: 1
ooo mongol engeed suurch baigaan daa

IP хаяг :202.170.80.45· 2012/02/06 3:00 PM PM

Only registered users can add comments.
[ Sign Up | Login ]