"Киви” хамтлагийн дуучин Укаг хүмүүс хэдийнэ шаргал үст хэмээн нэрлэх болсон. Тэгвэл дуучин бүсгүй бас нэгэн нууц авьяасаа нээгээд байгаа аж. Тэрбээр инээдмийн "Франц үнсэлт” кинонд бас нэгэн дүрийг бүтээжээ. Дур булаам захирал бүсгүйн дүр. Энэ дүр нь түүнд гайхалтай зохисон төдийгүй нэлээд донжтой захирал болсон байв. Киноны нээлт өчигдөр "Өргөө” кино театр болсон бөгөөд продюсер Б.Ангирмаа болон "Киви” хамтлагийн дуучин Ц.Намуунаа нар баяр хүргэхээр ирсэн байв. "Киви” хамтлаг кино урлагт хүч сорих хэтийн төлөвлөгөө байдаг талаар нэг бус удаа Б.Ангирмаа хэлж байсан. Ука хэдий туслах дүрд тоглосон ч "Франц үнсэлт” киноны бас нэгэн чимэг нь байлаа.