Уран бүтээлчид бурхан тахилтайгаа ойрхон байдгийн жишгийг поп дива Алтаа, Ариунаа нар харуулдаг. Ариунаа хаа байсан Сэлэнгийн Алтанбулагийн хийдийн хамбад заларч амьдралаа даатгадаг бол дуучин Алтаа, залуу дуучин Энх-Эрдэнийн "Хайрласанд минь уучлаарай” дууны шүлгийг зохиосон сэтгүүлч Батцэцэгийн гэрт бурханаа залжээ. Дуучин бүсгүйн найз Батцэцэг сахиус авсан удган болохоор найздаа амь нас, амьдралаа даатгуулсан нь энэ гэнэ. Шоу тоглолт, шинэ уран бүтээл хийх бүртээ дива дуучин бурхан дээрээ сүү, тавгийн идээтэй ирж мөргөл үйлдэж заншжээ.