Энэ бямба гаригт эхлэх Гоёл наадам хэнийх болох вэ? гэсэн таамаг хэвлэлийнхний дунд өрнөөд эхэлжээ.

Нас залуу ч загварын ертөнцдөө жараахайнуудаас арай дээр гэдгээ харуулаад амжсан бүсгүйчүүд өрсөлдөж байгаа юм байх. Тэдгээрийн тоонд Ч.Содтуяа багшийн хайрт шавь, одоо бараг найз нь болчихоод байгаа Х.Бадамгэрэл, загварын тайзны хүчтэй бүсгүйчүүдийн нэг О.Пүрэвдулам, тусгай салаа киноны Номин гээд хэд хэдэн бүсгүйн нэр яваа сурагтай.
Тэгвэл эдгээрээс хэн нь энэ жилийн топын өргөмжлөлийг хүртэж, хувцас солих өрөөнд зиндаархах эрхтэй болох вэ? Ур чадварын хувьд Х.Бадамгэрэл дутахааргүй ч О.Пүрэвдулам нь илүү чансаатай гэх хүмүүс байгаа юм. Харин Номингийн хувьд бол топын өргөмжлөл хүртэхэд эрт бас болоогүй байгаа хэмээн дүгнэж байгаа гэнэ. Тэгэхээр энэ жилийн топ хэнийх болох бол? Харж л суухаас өөр таамаг алга даа. Халхын бүсгүйчүүд бүгдээрээ сайхан юм хойно.