MN25 дугаар телевизийн "Making the Band-2" шоу нэвтрүүлгээс төрөн гарсан охидын "Extacy" шинэ хамтлаг саяхан болсон "Mongolian Music Video Awards 2011” дээр продюсер Алтаагийнхаа нэрийг навс унагасан юм. Тэд үйл ажиллагаанд ирэхээс эхлээд л продюсер Алтаагийн уцаарыг хүргэж, асуудалд орсон. Цагаа бариагүй охидоо дуучин Алтаа "Лимузин хүртэл явуулаад байхад цагтаа ирсэнгүй" хэмээн зэмлэж байв. Хамтлагийн охид аргагүй туршлага дутав уу, ам барьж дуулахаас гадна, бүжиглэхдээ зөрөлдөж, бүр сүүлдээ хамтлагийн нэг гишүүн нь хөл алдан унасан нь үзэгчдийн эгдүүцлийг ихээхэн хүргээд авсан юм.