Дуучин Ж.Алтанцэцэгийн мөрөөдлийн поп дэнсүүд тайзан дээр гарах бүрдээ фактлаж урмыг нь хугалдаг.  Уламжлал ёсоор "Extacy” хамтлагийнхан  ээлжит онигоогоо дэглэжээ. Тодруулбал тэд саяхан хөдөөгийн нэгэн сумын сургуулийн  нээлтэнд оролцож ая дуугаа өргөх шахсан гэнэ. Хөдөө газар очсон болохоор   хамтлагийн охид дүрдээ тас итгэн жинхэнэ "супер од” –ууд мэт аягласан гэж байгаа. Сургуулийн сурагчдын өмнө гарч "You Win” дуугаа дуулан, төөрөлдсөн охид шиг дэндүү болхидуу бүжиглэн сурагчдыг хөгжөөх гэж хэрэндээ л оролджээ. Харамсалтай нь дуулж дуусаагүй байхад нь тог тасарч ам барьж байсан тэднийг "деррикдэж” орхижээ.