Монгол үндэсний бөхийг Гиннесийн номонд бүртгүүлэх 6002 хүчит бөхнийн барилдааны нэгийн даваа эхэллээ. Бөхийн барилдааны нэгийн давааны зүүн талын тэргүүн магнайд Хэнтий аймгийн Өмнөдэлгэр сумын харъяат МУ-ын даяар дуурсагдах дархан аварга, Хөдөлмөрийн баатар, гавъяат тамирчин Бадмаанямбуугийн БАТ-ЭРДЭНЭ, баруун талын тэргүүн магнайд Архангай аймгийн Батцэнгэл сумын харъяат МУ-ын даян аварга Гэлэгжамцын ӨСӨХБАЯР, зүүн талын дагавар магнайд Увс аймгийн Наранбулаг сумын харъяат МУ-ын аварга О.Балжинням, баруун талын дагавар магнайд Увс аймгийн Баруунтуруун сумын харъяат МУ-ын залуу аварга С.Мөнхбат нараар манлайлуулсан арслан, гарьд, заан, харцага, начингууд маань төв цэнгэлдэх хүрээлэнгийн зүлэг ногоон дэвжээнээ дэвэн дэвсээр гарч ирлээ.