Монголын загварын ертөнцийн хамгийн том арга хэмжээ, 20 гаруй жилийн түүхтэй "Гоёл” наадам ирэх арванхоёрдугаар сарын эхээр болох гэнэ. Энэ жилийн наадам өнгөрсөн жилийн наадмуудтай харьцуулахад илүү өргөн цар хүрээг хамрах бололтой. "Гоёл-2012” наадмыг Монголын дизайнеруудын холбооноос зохион байгуулах бөгөөд арванхоёрдугаар сарын 1-7-ны өдөр оролцогч дизайнеруудын коллекциор загварын долоо хоног зохион байгуулах аж. Харин арванхоёрдугаар сарын 8-нд шилдгүүдээ тодруулж, Монголын 13 дахь топ моделийг нэрлэж, шилдэг дизайнеруудыг шалгаруулах юм байна.