Main » 2011 » есдүгээр сар » 25 » Каталонд бухын тулааныг хориглов
8:09 PM
Каталонд бухын тулааныг хориглов

Испанийн зүүн хойд муж Каталонд эртнээс уламжлагдаж ирсэн бухтай тулалдах тэмцээнийг хоригложээ. Хамгийн шилдэг матадор буюу бухтай тулалдагчийг харахаар Барселоны Монументаль цэнгэлдэхэд 20 мянга гаруй үзэгч цугладаг байжээ. Каталоны хууль тогтоогчид үзэгчдийн цөсийг хөөргөдөг хэрцгий шоуг хориглохоор өнгөрсөн жил тус мужид бүх нийтийн санал асуулга явуулсны дүнд дээрх шийдвэрийг гаргасан байна. Хэрцгий цуст тулааныг хориглосны дараа эсэргүүцэгчид давж заалдахаар Испанийн дээд шүүхэд хандахаар болсон гэнэ. Хориг ирэх нэгдүгээр сараас эхлэн хүчин төгөлдөр болох ажээ. Харин  бухтай тулалдах тэмцээний энэ жилийн үзэгчид сүүлчийн үзэгчид байх гэнэ.

Испанийн шилдэг матадор Жулиан Лопез "Ассошиэтед пресс” агентлагт өгсөн ярилцлагадаа "Бухын тулаан бол Испанийн уламжлалт цэнгүүн. Тулааны талбай матадорууд болон Испани үндэстний хувьд хамгийн сайхан зүйл” гэжээ. Хориг тавьснаас хойш Барселонд бухтай тулалдах тэмцээний тасалбарууд хэдхэн хоногийн дотор зарагдаж дууссан гэнэ. Тэр бүү хэл жирийн үнээсээ тав дахин нэмэгдсэн шагийн тасалбар ч олдохгүй байгаа талаар орон нутгийн телевизээр мэдээлжээ. Испанийн бусад мужуудаас гадна Канарын арлууд дээр бухтай тулалдах тэмцээн одоо ч болсоор байгаа юм. Амьтны эрхийг хамгаалагчид  бухтай тулалдах зэрлэг цэнгүүний өлгий болсон Мадрид, Андалусиад дээрх хоригийг хэрэгжүүлэхээр төлөвлөж байгаа юм байна.
Views: 499 | Added by: beatbox_battle | Rating: 0.0/0
Total comments: 0
Only registered users can add comments.
[ Sign Up | Login ]