Шинэ оны өмнөхөн Америкт суугаа нутагт нэгтнүүддээ өөрийн тоглолтоо тавиад ирсэн "Гурван охин” ойрын өдрүүдэд time out авсан гэнэ. АНУ-ын хэд хэдэн хотуудаар хийсэн тэдний тоглолт өөрсдийн нь хэлж буйгаар амжилттай болсон ч зарим нэг хотуудад болзсон цагтаа эхлээгүйгээс болж өндөг шидүүлэхдээ хүрсэн гэж байгаа.

Хамтлагийн гишүүн Анхмаа энэ гурван сард үрийн зулай үнэрлэнэ. Соло, Ану нарын хувьд ч гэсэн "Жинхэнэ хайр”-аа олоод ид халуухан дээрээ явна. Нэгэнтээ "миний зүрх сэтгэлийг хөдөлгөж чадах эр хүн таалагддаг” хэмээж байсан дуучин бүсгүй энэ удаад "Жинхэнэ хайр”-аа олсондоо итгэлтэй байгаа ажээ. Түүний найз залуу Энх-Амгалан дуучин бүсгүйгээс тав дүү бөгөөд нэр бүхий эрхмийн хүүхэд гэнэ.