Хан-Уул дүүргийн иргэн 13 настай охин гэрээс гараад сураггүй болсоор 10 хоногийн дараа олджээ. Ар гэрийнхэн нь цагдаад хандаж шалгуулахад тэрбээр өнгөрсөн хугацаанд 13-15 насны охидтой нийлэн, насанд хүрсэн хүмүүстэй хамтран архидан согтуурч гадуур дэмий тэнэж явсан нь тогтоогдсон байна. Цагдаагийнхан түүний нийлж явсан охидыг тогтоон шалгахад тэдний нэг, 15 настай охин хамт архидсан хүмүүстээ удаа дараа хүчиндүүлсэн байж болзошгүй баримт илэрсэн гэнэ. Хан-Уул дүүргийн цагдаагийн хэлтсийн ажилтнууд уг баримтыг лавшруулан шалгаж байна.