Хамтлаг дуучдын хувьд халтуур хийдэг оргил үе нь шинэ жил байдаг. Рок попод үгүйлэгдэж буй шинэ өнгө төрхөөр гарч ирсэн залуу дуучин Мино, "жижиг” Амараа нарын хамтын бүтээл "Хатариш” дуу оны өмнөхөн мэндэлсэн. Чөдрийн ганц дуутай уран бүтээлчид албан байгууллагуудын шинэ жилийн хамгийн эрэлт хэрэгцээтэй дуучид байлаа. Донжийг нь олсон бүтээл туурвиж чадсан тэд "Тусгай салаа” телесериалын гол дүрийн дуучин Эрдэнэбаярын рекордыг эвдсэн гэдэг. Цаашдын уран бүтээлдээ эргэлт буцалтгүй орсон нялх оддын дуу сүүлийн үед FM-ийн хитүүдэд ид тэргүүлж байна. "City” дээд сургуулийн жүжигчний ангид суралцдаг Мино олон ангит киноны гол дүрийн урилгад дарагдсан ч, бие даасан цомгоо гаргана гэдэг шалтгаар татгалзжээ.