МҮАН-ын дарга М. Энхсайхан: 1992 оны Үндсэн хуульд УИХ-ын гишүүнийг бүх ард түмнээс шууд сонгоно гээд биччихсэн юм. Үнэн хэрэгтээ энэ бол Үндсэн хуулийн заалтаараа манай улс пропорциональ тогтолцоог сонгох бололцоогүй болгочихсон байгаа байхгүй юу. Сэжиглэж эсвэл хажиглаж хэлж болно. 20 жилийн өмнө гадаадын улстөрийн алуурчид бидэнд ийм зүйл хийгээд өгчихсөн юм байна… Ер нь сүүлийн 20 жилийн түүхээ аваад үзсэн ч ардчиллын түүх гэж байдаг бол тэр нь дандаа л эвслийн түүх байсан. Түүнээс биш ардчилсан гэж өөрийгөө цоллох дуртай нам хэзээ ч дангаараа ялж байсан түүх байхгүй… Эвсэл их чухал гэж хэлж байгаа боловч эвсэл өөрөө задраад хэрүүл болж байсан гашуун туршлага бий. Чоно бол ангаа барихын тулд сүрэглэдэг ч дараа нь бие биенээ барьж идчих шахам булаацалддаг…