Улаанбаатар хот дахь Гаалийн газрын харьяа "Материал импэкс"-ийн гаалийн хяналтын талбайд Японоос орж ирсэн 10 гаруй машинаас цацраг идэвхт бодис илэрсэн тухай "Өнөөдөр" сонин мэдээлжээ. Албаны эх сурвалжийн хэлэхээр "Монголын хилээр орж ирсэн 10 гаруй машинд цацраг идэвхт бодисын хэмжээ зөвшөөрөгдөх хэмжээнээс хэд дахин илүү гарсан" гэж байна. Түүнчлэн Цөмийн болон цацрагийн хэмжилтийн газрын дарга Х.Дамдинсүрэн ч Японоос ачуулсан иргэдийн машинаас цацраг идэвхт бодис илэрсэн гэх мэдээллийг үгүйсгээгүй аж.