Чинбаагийн тоглолтын урилгыг авахгүй өнгөрч яавч болохгүй, урилга авчихаад ирэхгүй байж бүр болохгүй хүндтэй зочид бол яах аргагүй "Никитон”-чууд билээ. Тэд ирж "Никитон дуулж байна” дуугаа дуулсан. Үүний дараа Чинбаа нэгэн түүхийг ийн дурдлаа. "Намайг Хөгжим бүжгийн коллежийн аравдугаар ангид байхад "Никитон”-ы Бачка, "Жорлонгийн хажуу талын ангид сурдаг, төгөлдөр хуурч бондгор жаал хаана байна” гэсээр сураглаж ирсэн. Тэр л үеэс би "Никитон” хамтлагт орсон юм” хэмээлээ. Харин тэд 13 жилийн дараа хамтдаа тайзан дээр тоглож буй нь энэ байлаа.