Германы ойгоос өсвөр насны хүү олдсон тухай тус улсын цагдаагийн газар мэдээлжээ. Одоогоор хүүгийн хэн болох, хаанаас ирснийг тогтоогоогүй байгаа ч өөрийнх нь хэлж байгаагаар  тэр Их Британийн иргэн бөгөөд, ээжийгээ нас барсны дараа аавтайгаа хамт ойд нүүж ирэн амьдрах болсоор таван жил өнгөрсөн байна. Төрсөн өдөр, овгоо ч санахгүй байгаа Рей хүүг тус улсын цагдаа нар үнэнээ хэлж байгаа гэж үзэж байгаа ч хэл шинжээчид болон ДНХ-ийн шинжилгээгээр хүүг хаанаас ирснийг нь тогтоохоор ажиллаж байгаа аж.
Таван жил Германы ойд амьдарсан хүүг Берлинд энэ сарын 5-нд хүргэн ирсэн. Харин аав нь хүүг олохоос өмнөхөн модноос унаж нас барсан хэмээн Рей ярьжээ.