МУГЖ, дуучин С.Жавхлан тун удахгүй өөрийн эхнэр "Шуранхай” хамтлагийн дуучин Г.Эрдэнэчимэгтэй хамтран "Галтай Монголын Цогтой залуус” нэртэй тоглолтоо хийх аж. Хөдөө орон нутгийнхандаа өөрийн уран бүтээлээ хүргээд ирсэн тэрбээр Улаанбаатар хотын залуустаа зориулан тоглолтоо хийх гэж буй нь энэ. Энэхүү тоглолтод гэргийтэйгээ хамтран дуулсан шинэ уран бүтээлүүдээс гадна урлагт хүчин зүтгэж эхэлснээс хойш дуулж эхэлсэн бүх хит дуугаараа ая эгшиг өргөх юм байна. Тоглолтын тов одоогоор гараагүй байгаа ч тэд тоглолтын бэлтгэл ажилдаа аль хэдийн оржээ. Мөн хамтарсан шинэ цомог гаргах гэнэ.