Дэлхийн загварын ертөнцийн толь болсон "Fashion TV”-гийн үүсгэн байгуулагч Мишель Адам саяхан монголд ирээд буцсан. Тэрээр манай орныг сонгон хүрэлцэн ирсэн нь нэг талаараа Монголын загварын ертөнцийг үнэлсэн хэрэг боловч, нөгөө талаараа архи спиртийн хэрэглээгээрээ бид түүний анхаарлыг нь татсан бололтой. Ямартай ч ноён Мишель Адам өөрийн брэнд бүтээгдэхүүн болох "F vodka”-гаа танилцуулж, манай урлаг соёл, загвар, спорт, улс төрийн олны танил эрхмүүдтэй нэгэн үдшийг Нүхт цогцолборт өнгөрүүлсэн. Энэ үеэр түүнд  манай урдаа барьдаг чадварлаг моделиуд болох топ модель Г.Уранцэцэг, Э.Сэлэнгэ нар  илт хандарч, Монгол хатдын нэрээр сэртэндэх урлагийг гойд сайн үзүүлжээ. Өөр "чепак”-д ноён Мишельд тоогдох гэж хөгөө чирсэн юм байх. Харин Мишель Адам тэдний дундаас топ модель Урнааг илүүтэй тоогоод зогсохгүй түүнтэй  үнсэлцэж янаглаад жигтэйхэн байсан гэнэ. Г.Урнаагийн хувьд "Мон-Эрдэнэ"-ийн босс Пунцагбалжир агсны өв залгамжлагч Энхмөнхтэй үүсгэсэн дурлалын романстаа цэг тавьсан нь  эрчүүдтэй зугаацах, цэнгэх боломжийг олгосон бололтой. Ийнхүү Монголын нүүр царай болсон загвар өмсөгч бүсгүй эрээ цээрээ алдсан үйлдэл гаргасан ч энэ нь түүний ирээдүйн загварын карьерт дэм болох үүд хаалгыг нээсэн гэж мэргэжил нэгтнүүд нь үзэж байна. Тэрээр Мишель Адамсын анхааралд очиж чадсан бөгөөд түүнд тун удахгүй Францад болох FTV-гийн томоохон загварын шоунд оролцох урилга ирсэн гэнэ. Товчхондоо топ Урнаа Мишель Адамсын ивээлд багтсан бололтой.