Монгол бөхийг Гиннесийн номонд бүртгүүлэх барилдаанд улсын заан Ч.Санжаадамба түрүүлж, бөхийн суварга болон 15 сая төгрөгөөр шагнуулав. Харин үзүүрлэсэн улсын аварга С.Мөнхбат бөхийн суварга, 10 сая төгрөгөөр шагнуулсан. Шөвгийн дөрөвт үлдсэн улсын арслан Г.Эрхэмбаяр, улсын арслан Д.Ганхуяг нар тус тус долоон сая төгрөгөөр шагнуулсан юм. Шагналыг ерөнхий  сайд С.Батболд болон УИХ-ын гишүүн, улсын дархан аварга Б.Бат-эрдэнэ нар гардуулав.