Испанийн Ла лигийн тавдугаар тойрогт "Валенсиа” талбай дээрээ "Барселона”-г хүлээн авч, 2:2-оор тэнцлээ. Тоглолтын 12 дахь минутад Матьегийн хөндлөн дамжуулалтыг Виктор Вальдес хөнгөхөн барьчихаар байсан ч Эрик Абидаль хаалгачийнхаа өмнүүр орж хөл тавьснаар өөртөө гоол хийчихэв. Үүнээс хоёр минутын дараа "Барса”-гийн дархан довтолгоо амжилттай болж Фабрегас-Месси-Педро богино дамжуулалтууд өрсөлдөгчийнхөө хамгаалалтыг сэтэлснээр Педро тоог тэнцүүллээ. 23 дахь минутад өнөөх Матье дахин хөндлөн дамжуулалт өгснийг дахиад л Эрик Абидаль тасалж чадалгүй Эрнандест гоол оруулах боломж олгосон. Хоёрдугаар үед "Барселона”-г тоог, тэнцүүлж хожихоор чармайн тоглосон ч Фабрегас л нэг бөмбөг нөхөж, тэнцүүлж амжив. Ийнхүү "Барселона” дөрвөн тойрог тоглож, хоёр хожиж, хоёр тэнцсэн үзүүлэлтээр жагсаалтын дөрөвт бичигдэж байна. Харин "Валенсиа” гурав хожиж, нэг тэнцсэнээр Ла лигийн магнайд явна.

Валенсиа — Барселона 2:2

Гоол: Абидаль 12-өөртөө; Эрнандес 23 - Педро 14; Фабрегас 77
Валенсиа: Гуайта, Монтейру, Рами, Руис, Матье (Пьятти 73), Альбельда (Коста 46), Банега, Эрнандес, Каналес (Жонас 69), Альба, Сольдадо
Барселона: Вальдес, Алвеш, Пуйоль (Алькантара 63), Абидаль, Машерано, Чави, Бускетс, Кейта (Коррея 57), Фабрегас, Месси, Педро (Вилья 57)
Шар хуудас: Рами 15; Сольдадо 37; Каналес 54; Жонас 87 - Машерано,88
Улаан хуудас: Альба 90
Шүүгч: Веласко Карбальо (Мадрид). Валенсиа. "Месталье”